Al mancjave dome che a metessin adun ancje Sdrindule e Toni Merlot te audizion de regjon su la cuistion des provinciis. Il conseîr Pedicini, che al veve vude la idee grandone di cheste comision al pues jessi pardabon contenton: no dome no je vignude fûr nissune propueste concrete, che si pensave tant che une soluzion uniche o almancul condividude da maiorance… e invezit e je plui confusion di prime. Tant che par fâ viodi che no àn lavorat di bant il puar Pedicini al à scugnût tirâ fûr dal cassetin la sô cjarte intestade dal Pdl e no chê de Region par presentâ une robe che e somee une soluzion.
Risultât duncje di cheste ativât dai partîts: mancul di zero, timp butât vie e soredut tante confusion.
Se po dopo o lin a viodi lis propuestis di Tondo e Serachianute o cjatìn une fumate compagne, se o cjalìn chê de Leghe o viodìn che une dì a disin une e la dì dopo il contrari.
Nus cjapin ducj pal boro, savint di fâlu, ma ce che plui al da fastidi al è cemût che a àn tratât la propueste de Vite Catoliche de division de Region in Friûl e Citât metropolitane di Triest. A fasin fente di nuie e a van indenant par cont lôr cence pensâ che la division de Regjon e je la idee plui plantade inte int.
E cussì ancje il professôr D’Aronco che tant a nomenin cuant che ur va ben, al finìs tal cidinôr.
Alore al sarès miôr che te comission a vessin invidât ancje “el mago deUmago”, almancul si rideve di plui.. ■
L’OM DI BURI
Presentazion / La Patrie dal Friûl e presente il libri “Fûc su Gurize” di Ferruccio Tassin e Gianni Nazzi
Redazion
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Cungjò / Mandi, Bruno.
Redazion
Al declarave “che nol è dificil fâ telecronachis in marilenghe e che il furlan al à peraulis e espressions di pueste par fâlu”. lei di plui +
L’EDITORIÂL / La lezion de bandiere par dismovisi dal letarc
Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / No stin a colâ inte vuate de indiference
Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +