Cîl zâl d’autun e viole
come voi lusints di frute malade.
Le’ aghis de risultive
e polsin distudadis
pai cjamps e pai fossâi.
Al borc
si è tenzude la muse
di puinte e di melaz
di Galliano Zof (1933-2012). Nassût a Sante Marie la Lungje di une famee contadine, om di grande culture classiche e antropologjiche, al è stât un dai prins fîs dal popul a poetâ par furlan. Al à fat part dai grups “Tesaur” e “La Cjarande”. Cun lui ancje la civiltât contadine e cjate finalmentri il so cjantôr sclet e sincîr. Fra lis sô oparis o memoreìn: Un carantan di puisie (1966), Lidrîs di tuessin (1968), Pan cence levan (1969), De bande dai siôrs e Contadinance (1977), Flôrs (1981), Spire e muse (1984), Timp cence timp (1988), Salmodiis (2001), Cjant forest (2003). E pe prose il drame Lune in cercli (1981). ❚
par cure di Laurin Zuan Nardin