Ancje di la dal clap un dai temis simpri atuâi a son i zovins, la lôr ocupazion e il lôr rûl inte societât. La Slovenie si è dotade fint de indipendence di un Ufici pai zovins che al fâs di autoritât nazionâl intal setôr des politichis zovinîls. Si interesse di temis tant che la autonomie e la indipendence economiche dai zovins (ancje de famee di origjin e duncje la jessude de cjase dai gjenitôrs), la lôr integrazion inte societât, il lôr inseriment intal marcjât dal lavôr, la lôr istruzion e formazion e lis pussibilitâts di fâ ativitât intal timp libar. Ancje tra i obietîfs dal guvier di cumò di Miro Cerar, il decim secont inte storie de Slovenie indipendente, al è, cemût che si pues lei su la pagjine internet dal esecutîf, chel di favorî i zovins cun misuris specifichis intai setôrs de istruzion, dal marcjât dal lavôr e des cundizions abitativis.
Al principi dal 2016 in Slovenie a jerin 327.000 zovins (dai 15 ai 29 agns di etât), o sedi il 16% de popolazion. Cheste percentuâl, tant che in tantis altris parts dal Ocident industrializât, al è in câl continui. Intal periodi de indipendence, al principi dai agns Novante, i zovins a costituivin cuasi un cuart de popolazion slovene (450.982), intal 2000 a jerin 435.801, sîs agns indaûr 387.493 e lis proiezions a segnin che il lôr numar al è destinât a calâ ancjemò di plui: intal 2020 a 307.734, intal 2030 a 306.863, intal 2040 a 295.774, intal 2050 a 260.494 e intal 2060 a 254.915. Si fasin duncje necessariis ancje in Slovenie misuris par contrastâ chest fenomen.
Par ce che al tocje la istruzion e va segnalât che la plui part dai zovins slovens e je cjapade dentri intai procès formatîfs. Plui o mancul un tierç di lôr al à ancje une borse studi. Daûr dai dâts de Eurostat, relatîfs però al 2014, la Slovenie e spint pe istruzion, de scuele de infanzie fin ae lauree, in medie 110 mil euros par om, o sedi 4.800 euros ad an. Tra ducj i paîs de Union europeane e à – cul 47,3% – ancje la percentuâl plui grande di zovins tra i 20 e i 24 agns inte istruzion di tierç grât. Intal ultin an, vâl a dî di Lui 2015, e je calade ancje la disocupazion zovinîl (15-29 agns). Il câl al è stât fintremai dal 18,9%, tant che a confermin i dâts dal Istitût pe ocupazion. Il ministeri dal lavôr, famee, afârs sociâi e oportunitâts avuâls al à tornât a bati che intal 2015, in graciis des misuris metudis in cjamp dal Stât par favorî la ocupazion a timp indeterminât, a àn cjatât lavôr cun chest gjenar di contrat 8.300 zovins (4.600 disocupâts in graciis de esenzion dal paiament des tassis pal datôr di lavôr, plui di 3.700 cul jutori di Garanzie zovins o cul pachet Politichis ativis dal lavôr).
Il Stât al invistirà fin al 2020 300milioni di euros intal program Garanzie zovins che intai cuatri mês dopo al compiment dal percors di studis al garantìs une ufierte cualificade di implei, formazion continue o un garzonât o tirocini. Il Consei dai zovins al vise però che un zovin su siet al è disocupât par doi agns o plui e che la percentuâl di disocupazion di lungje durade su chê complessive e je stade, fra i zovins intal Dicembar dal an passât, pâr al 32,9%. Par chest, dal Consei a marchin trop che al sedi necessari un gnûf plan (di meti in vore intal periodi 2016-2020), che al varès di cjapâ dentri misuris specifichis pai disocupâts di lungje durade e che al protezi dal pericul de pierdite dal puest di vore une volte passâts i 30 agns di etât, cuant che si concludin i disgravis fiscâi pai datôrs di lavôr. O zontìn ancje il dât secont che inte analisi dal Istitût pe ocupazion dai disocupâts di lunc cors, la disocupazion inte fasse di etât dai 30 ai 39 agns e sarès cressude dal 92,5% intal 2007-2014. Par miorâ cheste situazion e je stât fat il program Gnove oportunitât. Il font pes impresis sloven invezit, intal ambit dal program Zovins al à sostignût za chest an la nassite di 212 gnovis ativitâts cuntun contribût complessîf di cuasi 20 milions di euros. ❚
Tjaša Gruden
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin
Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +