Il 2016 al è stât un an di inovâi, biei o bruts che sedin stâts. No vin sintût fevelâ però che o sin a 30 agns che la vacje furlane pezzata rossa friulana e je deventade pezzata rossa italiana. Nassude intal 1870 incrosant la vecje raze clamade Furlane cun la raze Svuizare Simmental, e je une vore preseade sei pe cjar che pal lat che e fâs. Cognossude di in chê volte come pezzata rossa friulana, cuntun decret dal 1986 di friulana e je deventade italiana.La vacje frisone e je restade frisone, mighe olandese, ancje se i frisons a son dentri di un altri Stât, e cheste tipicitât la cognossin ducj istès pûr no jessint la Frisie un Stât ricognossût.
Dome i furlans a son cussì bogns di fâsi mandâ lis lôr ecelencis in… vacje.