Nassude a Pordenon tal 1978, dopo la maturitât sientifiche, Katia Gavagnin si è laureade intal 2006 in Archeologjie e conservazion dai bens archeologjics ae Universitât Ca’ Foscari di Vignesie. Intal 2012 e à otignût il dotorât di ricercje in Storie dal Patrimoni archeologjic e storic artistic ae Universitât di Turin. E je stade assegniste di ricercje a Ca’ Foscari e ae Universitât di Udin, ateneus che e continue a colaborâ ancje in dì di vuê. Ceramolighe, e à partecipât a tancj sgjâfs prime in Italie (Torcello, S. Samuêl a Vignesie e tal cjastelîr de Gradiscje di Codroip) e po ator pal mont, in Sirie, Gjeorgjie e intal Kurdistan irakian. E puarte indevant une intense ativitât di ricercje cun publicazions e partecipant a cunvignis di setôr.