La Sagre di Paîs di Muris in comun di Ruvigne e à tornât a presentât il concors cinematografic “Muris in corto”, rivât a la seconde edizion.
La novitât de iniziative e je stade il slargjâ il teritori dulà che a vevin di jessi zirât il films in concors, cjapant dentri ducj i comuns de zone culinâr dal Friûl di mieç, cun chê di fâ cognossi cheste biele zone de nestre regjon.
Il moment plui impuartant de serade si à vût sabide ai 7 di Setembar cu la premiazion e la proiezion pal public dai lavôrs che a àn partecipât.
A son stadis sintudis 2 juriis: chê popolâr cuntun rapresentant par ogni frazion dal comun (Gian Fausto Pascoli par Muris, Tiziana Cominotto par Vile, Giovanni Mauro par Viluce, Roberto Buttazzoni par Sant Pieri e Matteo Lizzi par Pignan) e chê tecniche (president Remigio Romano, innomenât regjist, Luca Di Varmo di Radio Spazio 103, Tommaso Lessio di Cinema Zero, Roberto M. Cuello, Ricky Modena, fotograf professionist e film-maker Gian Pietro Nadalutti di Back Film, Stefano Paoluzzi di Radio Onde Furlane, Christian Romanini par La Patrie dal Friûl, Alessandro Venuti, curadôr di mostris di art, Lorenzo di Vivaradio.
“Un cualitât pardabon alte” al à dit il president Remigio Romano, comentant l’esit a la fin de riunion de jurie. Cun di plui Alessandro Venuti al à marcât un element pardabon interessant “O soi restât ben impressionât che, ancje se il bant al jere dome par talian e no si faseve nessun riferiment a la sielte linguistiche, scuasi ducj i films in concors a son stât realizâts in lenghe furlane”.
Il premi pal “Miôr curt”, decretât de jurie tecniche al è lât a “Protection”, regie di Andrea Colombino e montaç di Michele Pascoli. Al è ancje stât consegnât il premi pal miôr regjist a Michele Urtamonti pal “Cjape e Incasse”.
Il film “Protection” al à fat doplete e al à vinçût ancje il premi de jurie popolâr “Il Cjastinâr di aur”.
E cumò il comitât organizadôr al è za in vore pe prossime edizion.
Redazion
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / Miôr furlans o citadins dal nuie?
Walter Tomada
I popui a àn une identitât ancje se no le vuelin. Tant che ogni om al nas e che al cres cuntun non, un cognon, un puest di divignince, e un document che lu comprove, cussì ancje i popui a vegnin di un timp lontan e di une tiere dongje, a clamin lis robis intune […] lei di plui +
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +