A Udin si scrîf sotvôs, platâts daûr di une tiere avare di compliments e di confusions. Se no tu sês dispost a partî par Rome o par Milan, dificil che un editôr al scometi su di te par fâti diventâ «un personaç». Ma se tu sês brâf, tu vincis un premi Campiello istès, ancje vivint in Friûl.
Valentina Brunettin, 29 agns di Udin, je à za fate une volte. Al jere il 1998, e veve 18 agns, e e je stade la miôr de sezion «zovins». Cul so romanç «L’antibo», publicât di Marsilio, e à vint il premi Campiello Giovani. Cumò, dopo un periodi avonde lunc cence la pene in man, e je tornade a scrivi. E à i dêts incrosats (e nô cun jê) fin ai 22 di Mai, cuant che la jurie riunide a Padue e cun a cjâf il regjist Giuseppe Tornatore, e decretarà i cinc finaliscj dal premi 2010. Il vincidôr si cognossarà, invezit, ai cuatri di Setembar, a Vignesie, te cerimonie finâl al teatri La Fenice. Un ricognossiment, il premi Campiello, che al è stât istituît tal 1962 su iniziative dai industriâi dal Venit e che di in chê volte al premie, ogni an, une opare di narative taliane. Cheste volte, Valentina e je in gare cui «big». Il so libri, jessût ai dîs di Març, si intitule «I cani vanno avanti», editât di Alet. 156 pagjinis di storiis incrosadis che a cjapin il vie tal 1957, dopo la vicende de cjiçute Laika lançade intal spazi.
Valentina, tra pôc si savaran i finaliscj e ai cuatri di Setembar, a Vignesie, al sarà proclamât il vincidôr. Ce ti spietistu?
O speri… ma no dîs altri, parcè che o soi scaramantiche.
Dodis agns fa tu âs vint il premi Campiello dai zovins: cemût ise tacade cheste aventure?
O vevi 13 o 14 agns e o leievi tant.
Mi plaseve soredut lassâmi ispirâ. E cussì o ai scrit L’antibo, une conte lungje plui che un romanç, dulà che o conti la storie di amôr tra l’imperadôr Adrian e il so zovin amant Antino che e à ancje un sorte di «forme paralele» cuntune storie simil ma ambientade al dì di vuê.
E dopo?
Dopo, tal 2002, o ai publicât il romanç Fuoco su Babilonia, simpri pe Marsilio. Chest al conte di une storie omosessuâl, ambientade intun cjamp di concentrament nazist.
Doi libris in cualchi an, come une vere scritore. Ma cumò o vin scugnût fa passâ un biel pôc di timp prime di lei alc di gnûf. Parcè?
No vevi nuie di dî e no soi une che e à di scrivi tant par fâlu.
Ma alore no tu sês une scritore a «timp plen»?
No, o soi une persone normâl. Laureade in Lenghis e leteraturis forestis achì, te Universitât dal Friûl, e cumò o lavori intun studi legâl a Udin. Il biel di jessi scritôrs in Friûl al è propit chest: tu continuis a jessi un come chei altris, no tu diventis un personaç. E cheste, par jessi francs, al dì di vuê e je une fortune.
Ma forsit, se tu ti spostassis intune grande citât, tu varessis ancje plui ocasions par sfondâ tant che artiste…
Chest al è vêr. Ma jo o soi cussì leade a la mê tiere che no pensi di podê lâ vie. O, se o voi, no lu fâs di sigûr a cûr lizêr. Jo o ami il Friûl e la sô int e o pensi che si mertin dut il rispiet e la amirazion che nus dimostrin di dute Italie cuant che si sint fevelâ di nô.
VALENTINA PAGANI
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / Miôr furlans o citadins dal nuie?
Walter Tomada
I popui a àn une identitât ancje se no le vuelin. Tant che ogni om al nas e che al cres cuntun non, un cognon, un puest di divignince, e un document che lu comprove, cussì ancje i popui a vegnin di un timp lontan e di une tiere dongje, a clamin lis robis intune […] lei di plui +
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +