Alberto Di Giusto al nas tal 1944 a Udin e fin di zovin si passione di cine e fotografie. A cuindis agns si compre une modeste fotocjamare di plastiche par 2990 francs (la mitiche Eura Ferrania formât 6×6) e cun cheste si divertìs a fotografâ familiârs e amîs.
Tal 1974 al devente soci dal Circul Fotografic Furlan (an de sô fondazion) e tai agns al lavore a publicazions, mostris, studis e numerosis altris iniziativis culturâls leadis a la fotografie.
Chest lavôr «Maran 1980» al ten cont de atmosfere che il paîs di Maran al à evocât trente agns indaûr al so autôr, forsit ispirât des bielis fotografiis che Carlo Bevilacqua (Feagne 1900 – Cormons 1988) fotograf dal neorealisim, a so timp al veve scatât ta chei lûcs plens di sugjestion e di incjant.