Lis sieltis discutibilis in tiermin di promozion fatis de Regjon no si fermin al gnûf logo, ma ancje sul ultin personaç volût pe promozion a Vinitaly: l’atôr francês Gerard Depardieu, che nol à mai platât la sô passion pe buine cusine… ma a dî la veretât no dome furlane.
Prin di dut, o precisìn che no vin nuie cuintri la persone, ma nus lasse perplès che cierts siei «precedents» no àn fat «contâ fint a dîs» il Vicepresident regjonâl Luca Ciriani, assessôr al turisim e referent politc par cheste operazion, che si è invezit dimostrât entusiast… ma forsit nol saveve che…
Prin di dut Depardieu al è un che al sta cun ducj: ultimementri lu vin viodût ancje lei sant Agostin tant che catolic no praticant… e chest no lu fâs un testimonial di fiducie suntun prodot.
Ma fevelant di prodots enogastronomics, tal vin nus è concorint cun proprietâts ancje in Afriche e Pantelerie. No dome: al à dite ancje di amâ lûcs, tradizions e prodots de Pulie (Premio Barocco 2010) e di comprâ li i vignâi (e i puliês se son suiade danti la citadinance dal paîs, dal sigûr mancul onerose di une mission di pueste par lâ a insegnâi a fâ di mangjâ tal so ristorant…)
Cjalant plui indaûr, tal 2007 al è stât di jurie e testimonial ancje dal Festival dal persut di Parme.
Par cui che al cjale television, al è cognossût soredut pe publicitât – in napoletan cun contor di mandulins – de salse di pomodoro Cirio: ducj elements no propit furlans e, dut câs, ingombrants dal pont di viste promozionâl (Cirio lu à imponût sui maiôrs media statâi, no dome su chei locâi) e dal target di prodot.
Tant che testimonial, al ven doprât soredut suntune tipologjie di prodots: chê alimentâr, jentrant ancje in concorince jenfri i singui prodots come i vins de Puliis, ma ancje il Friulano… (al è tant che se Jerry Scotti al fasès publicitât no dome pal rîs Scotti ma ancje pe marcje Gallo o altri).
Cjalant cualchi altri esempli di istituzions che a àn contât VIPs, a difarence di Dustin Hoffman (testimonial pe regjon Marchis), Depardieu nol à plui un grant respîr internazionâl (e nancje doi Oscar). A difarence di Paris Hilton (testimonial dal vin prosec in latine) nol à un respîr internazionâl tal fashion.
Se la gastronomie taliane e sta di gnûf sorpassant chê francêse e lis dôs a son lis plui competitivis tra di lôr, parcè un testimonial francês, ven a stâi de concorince?
Tant che testimonial al baline cetant (fint tant che al cjate cui che lu clame e lu paie) e no savìn trop che Gerard Depardieu al zovarà pe promozion dai nestris prodots fûr di regjon, ma dal sigûr al à judade la ristorazion parigjine: cumò tancj furlans a àn savût che lui al à un ristorant te capitâl francese.
(REDAZION)
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin
Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +