I “Robin Hood” s soraps a àn tacât domandis provocatoriis su cartei stradâi_ Just tal timp dal campionât des minorancis europeanis al è stât rivelât uficialmentri che unis dozenis di cartei stradâi bilenghâi a scuegnin jessi sostituîts tal distret di Bautzen / Budyšin in Gjermanie. La reson e je dispès che si cjatin erôrs te traduzion dai toponims in lenghe di minorance sorabe.
I cartei a vegnin sostituîts_ “Su 78 cartei stradâi e tabelis la lenghe sorabe e manjce o e je mâl tradusude”, al à dit il puartevôs dal guvier de regjon bilenghâl Gernot Schweitzer. Nol è ancjemò sclarît cetant segnâi a scuegnin jessi sostituîts o rielaborâts. Dome te comun di Göda / Hodźij cu circje 3.200 abitants a àn cjatât un totâl di 60 errôrs.
Adesîfs tacâts su la segnaletiche mâl tradusude_ Scognossûts ativiscj a àn tal mês passât tacât adesîfs su cartei monolinguâi. Sul adesîf si cjate la scrite bilenghâl sorap-todesc “a serbsce – und sorbisch? ” che e vûl dî “e par sorap?”
I autôrs di cheste azion a vuelin restâ anonims par evitâ eventuâls sanzions de polizie. La stampe sorabe e à batiât il grop” i Robin Hood soraps ” parce che il grop al à tacât la domande “provocatorie” dome su cartei monolinguâi «O volìn indusi a pensâ sul puest”. Cu la lôr domande i iniziadôrs anonims a fasin riferiment al paragraf 10 de leç su la tutele dal popul sorap. La leç e stabilìs che «… tal teritori di minorance dute la segnaletiche e scuen jessi par todesc e par sorap.»
Il President de plui grande organizazion sorape «Domowina» www.domowina.sorben.com Dawid Statnik al viôt paralêi in altris regjons de Europe: «Tal Paîs dai Wales e te Bretagne, lis minorancis a àn vût sucès cun azions similis e àn tirât la atenzion dal public su lis problemis dal bilinguisim. Cussì o pensi che cheste proteste e podedi vê come risultât ancje alc di pusitîf». ■
JANEZ ERAT
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / Miôr furlans o citadins dal nuie?
Walter Tomada
I popui a àn une identitât ancje se no le vuelin. Tant che ogni om al nas e che al cres cuntun non, un cognon, un puest di divignince, e un document che lu comprove, cussì ancje i popui a vegnin di un timp lontan e di une tiere dongje, a clamin lis robis intune […] lei di plui +
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +