PRE ANTONI BELINE A GLEMONE
Presentazion dal Dvd “La Fabriche dai Predis” a Glemone, li dal museu civic di Palaç Elti, vinars ai 19.10.2012 aes 8 e mieze di sere dentri de rassegne Leimi
Glemone e ospite la presentazion dal dvd “La fabriche dai predis di pre Antoni Beline, li dal museu civic di Palaç Elti, vinars ai 19 di Otubar aes 8 e mieze di sere, dentri de rassegne Leimi inmaneade di Proloco, associazion Ostermann e in colaborazion cul sportel comunâl pe lenghe furlane.
Pre Antoni Beline (cognossût a Vençon ancje come pre Pieri Massangat) al nas ai 11 di Fevrâr dal 1941. Ai 23 di Avrîl dal 2007 al mûr su la place di Visepente, in comun di Basilian. Pai 5 agns de muart dal tradutôr de Bibie par furlan, La Patrie dal Friûl, Glesie Furlane e VideoTeleCarnia a vuelin memoreâlu cun chest video che al è la interviste di presentazion dal so libri che al à fat plui scjas: “La fabriche dai predis”. Te videointerviste pre Antoni al fevele in struc dai contignûts e des motivazions che lu àn puartât a scrivi il libri omonim, ritirât subit dopo de metude in onde di cheste presentazion televisive, che in chest dvd e je te version integrâl inedite.
“La fabriche dai predis” e je un diari che al ricostruìs i agns de infanzie e dal ‘seminari di pre Antoni, puartant esperiencis diretis e riflessions intimis.
Il libri al fo criticât in maniere pesante di bande de jerarchie eclesiastiche pes analisis scletis che al scrivè pre Beline, ma tal stes timp al fo preseât une vore dal public pe maniere direte e la profonde umanitât che e vignive fûr di chês pagjinis.
Vie pe serade di Glemone, che si tignarà li dal museu civic di Palaç Elti, a intervegnaran Celestino Vezzi di VideoTeleCarnia, pre Roman Michelot e Dree Valcic, president e diretôr da La Patrie dal Friûl, in mensîl in lenghe furlane diret par agns propit di pre Beline.
LA CUVIERTINE DAL DVD box dvd fabriche dai predis
Va indevant a lei fracant chi —->
PRE ANTONI BELINE A GEMONA
Presentazione del Dvd “La Fabriche dai Predis” a Gemona presso il museo civico di Palazzo Elti, venerdì 19.10.2012 alle 20.30 nella rassegna Leimi
Gemona ospita la presentazione del dvd “La fabriche dai predis” di pre Antoni Beline, presso il museo civico di Palazzo Elti alle ore 20.30 di venerdì 19 ottobre nella rassegna Leimi organizzata da Proloco, associazione Ostermann e in collaborazione con lo sportello comunale per la lingua friulana.
Pre Beline (conosciuto a Venzone anche come “pre Pieri Massangat”, dal soprannome di famiglia) nasce l’11 febbraio 1941. Il 23 aprile 2007 muore in piazza a Basagliapenta, in comune di Basiliano. Nel quinto anniversario della scomparsa del traduttore de “La Bibie par furlan”, La Patrie dal Friûl, Glesie Furlane e VideoTeleCarnia lo ricordano con questo video che è l’intervista di presentazione del suo libro più conosciuto: “La fabriche dai predis”. Nella videointervista pre Antoni presenta in sintesi i contenuti e le motivazioni che lo hanno portato a scrivere il libro omonimo, ritirato subito dopo la messa in onda di questa presentazione televisiva, che in questo dvd è nella versione integrale inedita.
“La fabriche dai predis” è un diario che ricostruisce gli anni dell’infanzia e del seminario di pre Antoni, portanto esperienze dirette e riflessioni intime.
Il libro fu oggetto di pesanti critiche da parte della gerarchia ecclesiastica per le analisi schiette che scrisse pre Beline, ma allo stesso tempo raccolse i favori del pubblico per il tono diretto e la profonda umanità che emergeva dalle quelle pagine.
Durante la serata di Gemona, che si terrà presso presso il museo civico di Palazzo Elti, interverranno Celestino Vezzi di VideoTeleCarnia, pre Roman Michelotti e Dree Valcic, presidente e direttore de La Patrie dal Friûl, il mensile in lingua friulana diretto per anni proprio da pre Beline.
PER SCARICARE LA COPERTINA DEL DVD box dvd fabriche dai predis
