Cjare letore/Cjâr letôr
Biel al è stât biel, anzit bielon. E a àn fat la lôr figure i nestri amîs dal spetacul, dal sport, de informazion che tal numar passât a àn mostrade la muse par sburtâ l’abonament ae Patrie. No dome la muse ma in chês pocis riis che nus àn scrit al è vignût fur dut il lôr amôr pal Friûl e pal unic gjornâl scrit dut par furlan. La pagjine finâl di cheste iniziative, però, cumò le dedichìn ai vêrs protagoniscj dal gjornâl, lis tantis personis che a dan cuarp ae iniziative: i nestris letôrs. A chei che in sumis, a son la vere fuarce de Patrie: i furlans di ogni dì. Chei che o incrosìn par strade, cuant che o lin a fâ la spese o a bevi un tai.
A chei tancj oms e feminis, zovins e vecjos, di citât o de provincie, che a lavorin o a son in pension, operaris
o contadins, students o professôrs che a van indenant cu la Patrie te sachete.
Al è facil che magari ju vin viodûts par câs o in cualchi riunion, in tren: cuissà. Ma soredut fin cumò no vin mai savût che ancje lôr a leievin la Patrie. Un câs su mil forsit, ma nol impuarte parcè che daûr di ogni musute dissegnade de man di Dree Venier al è platât un furlan o une furlane.
Disìn che chei di chest mês a son une rafigurazion dal nestri popul. Di bande lôr l’invît a stânus dongje
al è ancjemò plui fuart! Si pues abonâsi ancje midiant bonific: IBAN n. IT32 V063 4063 8801 0000 0001 208, li de Casse di Sparagn dal Friûl-VJ, sede di Glemone (UD). Tes indicazions pal bonific, che si impensi di scrivi la direzion dulà spedî il gjornâl.
. O soi abonât a LA PATRIE DAL FRIÛL parcè che la lenghe le consideri la mê bandiere, chê che mi fâs cjalâ in muse ducj cun rispiet e cence pôre. Cuant che o jeri pal mont la lenghe mi à fat vê tante braure, cuant che a vignivin a savê di ce bande che o jeri. Agnul Della Schiava e Renata, Basilian O sin abonadis a LA PATRIE DAL FRIÛL parcè che prime le leìn noaltris e dopo i nestris clients dal Bar Savio. E fâs ben sedi a nô sedi a lôr. Daniela e Checca Michieli, Udin L’abonament al è stât un regâl e mi à fat tant plasê. Mi plâs leile parcè che o cognòs problemis e situazions dal dut dismenteadis, evitadis, dai media talians. E po… il Furlan, no vin di pierdi la nestre lenghe. Bruna Fedrigo, Davian Par lei la rubriche di musiche, che e je simpri interessante e inzornade, pes storiis di Bete di Spere che mi fasin masse ridi, par sintîmi part de comunitât dai furlans che a lein LA Å fûr dal Friûl, par lei une informazion fûr dal côr, par rinfrescjâ la mê cognossince dal Furlan. Elisabetta Fiori, Bergamo O soi abonade parcè che al è un mensîl zovin, dinamic ma tal stes timp leât aes tradizions. Giulia Martina, Gjenue Parcè che cuant che al rive il postin, tu le vierzis daurman, tu le sfueis e tu ti lassis puartâ dentri de tô int, tra i tiei paîs e tu ti sintis in famee cun tancj amîs. Grazia Mainardis, Monfalcon O crôt che LA PATRIE DAL FRIÛL e fasi un grant lavôr pe nestre int: dâ la pussibilitât di lei par furlan al jude a mantignî vive la nestre cussience di popul; nus ricuarde che, ancje se cualchidun al cîr di fânusal dismenteâ, o sin furlans! Pietro Bortolotti, Udin O soi abonât a LA PATRIE DAL FRIÛL di pôc, ma o ai savût che il sfuei in lenghe furlane al jere simpri stât stampât. O soi content di vê fat chest abonament e o lei cun buine voie dutis lis notiziis publicadis, un pôc par dì, scritis di une buine scuadre di gjornaliscj e dut par un Friûl plui furlan. Remigio Bruno Sattolo, Udin Par me che o soi a stâ lontan, lei LA PATRIE DAL FRIÛL e je une maniere par sintîmi plui dongje di cjase e plui dongje dai furlans. Notiziis pe nestre int, dai nestris paîs, che no tu cjatis di nissune altre bande, scritis te nestre marilenghe e mai banâl. No podarès plui fâ di mancul di chel sfuei che al rive ogni mês par pueste. E po, savêso ce gust cuant che a viodin il pacut de Patrie in cjase e mi domandin incuriosîts "che lingua è?". Ti fâs sintî braurôs di jessi furlan. Stefano Taboga, Milan *** LA PATRIE DAL FRIÛL e je un esempli preciôs di ce che je la anime culturâl Furlane. Norman Scaravetti, Columbia (Usa)
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +
