Fin ai 15 di Avrîl, te librarie Tarantola di Udin (intai siei oraris di viertidure), si podarà visitâ la mostre di ilustrazions di Moreno Tomasetig dal titul “GratitUdine”: un regâl che l’autôr al à volût fâ ae citât che i à dât acet di fantat, Udin juste apont, dal 1973 al 1983. Ricuarts e visions, tai 40 agns di ativitât grafiche di Tomasetig, che al piture un Udin che no si spietisi: traviersât di gondulis, dal incjant orientâl, sot aghe par vie dal riscjaldament globâl… «O ai sielt di mostrâ architeturis e personaçs che, in mûts diferents, a àn a ce fâ cun Udin – al sclarìs l’ilustradôr -, chel di une volte e chel che al vignarà». ❚
Redazion