FRIULIDOC CUN PRE ANTONI BELINE
Presentazion dal Dvd “La Fabriche dai Predis” li dal Cine Centrâl, vinars 14.09.2012 aes 7 di sere.
No dome enogastronomie, ma ancje impuartants incuintris culturâi in cheste edizion di FriuliDoc.
Un di chescj e je la presentazion dal dvd “La fabriche dai predis di pre Antoni Beline, pe prime volte a Udin li dal Cine Centrâl aes 7 di sere di vinars ai 14 di Setembar in colaborazion cul Centri Espressions Cinematografichis.
Pre Antoni Beline (cognossût a Vençon ancje come pre Pieri Massangat) al nas ai 11 di Fevrâr dal 1941. Ai 23 di Avrîl dal 2007 al mûr su la place di Visepente, in comun di Basilian. Pai 5 agns de muart dal tradutôr de Bibie par furlan, La Patrie dal Friûl, Glesie Furlane e VideoTeleCarnia a vuelin memoreâlu cun chest video che al è la interviste di presentazion dal so libri che al à fat plui scjas: “La fabriche dai predis”. Te videointerviste pre Antoni al fevele in struc dai contignûts e des motivazions che lu àn puartât a scrivi il libri omonim, ritirât subit dopo de metude in onde di cheste presentazion televisive, che in chest dvd e je te version integrâl inedite.
“La fabriche dai predis” e je un diari che al ricostruìs i agns de infanzie e dal ‘seminari di pre Antoni, puartant esperiencis diretis e riflessions intimis.
Il libri al fo criticât in maniere pesante di bande de gjerarchie eclesiastiche pes analisis scletis che al scrivè pre Beline, ma tal stes timp al fo preseât une vore dal public pe maniere direte e la profonde umanitât che e vignive fûr di chês pagjinis.
Vie pe serade di FriuliDoc, che si tignarà li dal cine Centrâl in program aes 7 di sere di vinars ai 14 di Setembar, a intervegnaran pre Roman Michelot, president de Patrie dal Friûl e amì di pre Antoni Beline; Celestino Vezzi di VideoTeleCarnia e Dree Valcic, diretôr da La Patrie dal Friûl, in mensîl in lenghe furlane diret par agns propit di pre Beline.
Va indevant a lei fracant chi —->
FRIULIDOC CON PRE ANTONI BELINE
Presentazione del Dvd “La Fabriche dai Predis” presso il Cinema Centrale, venerdì 14.09.2012 alle 19.00
Non solo enogastronomia, ma anche importanti incontri culturali in questa edizione di FriuliDoc.
Tra questi, la presentazione del dvd “La fabriche dai predis” di pre Antoni Beline, per la prima volta a Udine presso il cinema Centrale alle ore 19 di venerdì 14 settembre in collaborazione con il Centro Espressioni Cinematografiche.
Pre Beline (conosciuto a Venzone anche come “pre Pieri Massangat”, dal soprannome di famiglia) nasce l’11 febbraio 1941. Il 23 aprile 2007 muore in piazza a Basagliapenta, in comune di Basiliano. Nel quinto anniversario della scomparsa del traduttore de “La Bibie par furlan”, La Patrie dal Friûl, Glesie Furlane e VideoTeleCarnia lo ricordano con questo video che è l’intervista di presentazione del suo libro più conosciuto: “La fabriche dai predis”. Nella videointervista pre Antoni presenta in sintesi i contenuti e le motivazioni che lo hanno portato a scrivere il libro omonimo, ritirato subito dopo la messa in onda di questa presentazione televisiva, che in questo dvd è nella versione integrale inedita.
“La fabriche dai predis” è un diario che ricostruisce gli anni dell’infanzia e del seminario di pre Antoni, portanto esperienze dirette e riflessioni intime.
Il libro fu oggetto di pesanti critiche da parte della gerarchia ecclesiastica per le analisi schiette che scrisse pre Beline, ma allo stesso tempo raccolse i favori del pubblico per il tono diretto e la profonda umanità che emergeva dalle quelle pagine.
Durante la serata di FriuliDoc, interverranno pre Roman Michelot, presidente della Patrie dal Friûl e collaboratore, nonché amico, di pre Antoni, e Dree Valcic, direttore de La Patrie dal Friûl, il mensile in lingua friulana diretto per anni proprio da pre Beline.
