Prime di resonâ insiemi su cemût che o vuei rispuindi al preseât invît di La Patrie dal Friûl di tignî un cicli di intervents sul taramot dal 1976, in ocasion dal cuarantenâl de ricorence, o volarès provâ a frontâ la cuistion dal parcè. Cheste e pues aparî fintremai une domande assurde, viodude la impuartance indiscutibile dal taramot inte storie dal Friûl, ma in ogni câs interogâsi su la utilitât pratiche e teoriche de memorie al è un esercizi dovût, e dal sigûr interessant.
no si trate di fissâ “parcè che sì” o “parcè che no”, ma di capî parcè che o volìn contâ ancjemò cheste storie, parcè che le ritignìn buine, necessarie, in cualchi mût istrutive. Dant par scontât che il studi de storie nol è un pegri abandonâsi ae nostalgjie ma un strument par orientâsi inte contemporaneitât e par sielzi lis rotis futuris, o vin di domandâsi ce che la memorie dal taramot e puedi insegnânus dal presint, in ce mût che e pues judânus intes decisions futuris.
di timp la “vulgata” sul taramot e su la ricostruzion e à fat proprie la nozion di Model Friûl. Cheste espression, vuê cuasi simpri riferide al periodi de ricostruzion, e definìs un model di gjestion de emergjence e dal intervent public intune aree disastrade che si base su la deleghe massime ai ents locâi – Regjon e Comuns – e sul lôr racuardi a nivel nazionâl midiant de figure di un Comissari Straordenari, che al garantìs la snelece burocratiche e la sveltece decisionâl che dispès se di no e mancje al aparât statâl. In pratiche il Model Friûl e je une virtuose devoluzion dal podê tra orghins centrâi e periferics. Un model cussì virtuôs che al ven puartât tant che esempli in ogni gnove catastrofe che e savolte la Italie, dal taramot de Irpinie a chel di L’Aquila. A chest model si fâs rimontâ fintremai la nassite de Protezion Civîl. In ogni câs, a cuarante agns dal sisme al bisugne osservâ che lis provis di espuartâ chest model a son dutis falidis.
ve: se o volìn tirâ fûr une lezion de storie forsit o vin di sclarî chel che in realtât al è un ecuivoc. Un ecuivoc che al nas dal vê volût contâ l’arbul e lis sôs pomis cence calcolâ lis sôs lidrîs.
Il Model Friûl nol nas dal nuie. Nol nas intune cjacarade tra Aldo Moro e Antonio Comelli intune cualchi sale dai botons, tant che tancj politics, ancje ben informâts, a van indevant a contâ e probabilmentri a crodi. Il Model Friûl al à lis sôs lidrîs, tant che dutis lis robis, inte tiere.
il “model friûl”, o miôr, il “câs friûl”, al è deventât ogjet di studi par storics e antropolics sociâi cuant che si son cjatâts a vê di contâ il model particolâr di disvilup che la furlanie e veve cjapât fin dai agns ’60. Dulà che la rivoluzion industriâl e veve compuartât dapardut dislidrisament des campagnis e inurbament, in Friûl si jere vude al contrari une cierte ruralizazion de industrie. Lis piçulis buteghis artesanis si jerin evoludis deventant industriis piçulis e mediis, cul risultât che il tiessût urban e sociâl nol è stât scovât vie de modernizazion. In chest mût, il rapuart dai furlans cu la proprie tiere, cu la proprie campagne, cu la proprie storie al è cressût cence taiâsi. E chescj leams mai taiâts a son lis lidrîs che cence di chês la ricostruzion Model Friûl no varès cjapât e nancje no varès frutât.
Ve parcè che al bisugne studiâ il taramot vuê. Parcè che il Model Friûl nol è une cuistion di stanzie dai botons, ma al nas inte tiere, tra la int. E e je ore di dâ aes lidrîs la stesse impuartance che si à dât simpri al arbul e aes pomis. ❚
✒ Igor Londero – Autôr di «Pa sopravivence, no pa l’anarchie» Forme di autogestione nel Friuli terremotato: l’esperienza della tendopoli di Godo (Gemona del Friuli)
Presentazion / La Patrie dal Friûl e presente il libri “Fûc su Gurize” di Ferruccio Tassin e Gianni Nazzi
Redazion
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Cungjò / Mandi, Bruno.
Redazion
Al declarave “che nol è dificil fâ telecronachis in marilenghe e che il furlan al à peraulis e espressions di pueste par fâlu”. lei di plui +
L’EDITORIÂL / La lezion de bandiere par dismovisi dal letarc
Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / No stin a colâ inte vuate de indiference
Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +