Sfuei Mensîl Furlan Indipendent
Archivi de Patrie

CULTURE – LA FABRICHE DAI… LIBRIS – La Joibe Grasse dal 1511 contade ai fruts

............

Al è il Carnevâl dal 2011, cinccent agns dopo di un dai fats storics plui significatîfs de storie dal Friûl: la rivolte popolâr de Joibe Grasse, cuant che la int dal Friûl, cjapade tra i pericui de vuere tra Vignesie e Imperi, vitime des prepotencis dai sorestants, e à reagjît cu la fuarce. Par fâ cognossi e capî miôr cheste storie la Serling (www.serling.org), in cunvigne cu la Associazion 1511 (viôt ancje http://associazion1511.blogspot.com) e publiche un librut divulgatîf cuntune grande mape ilustrade. L’autôr dai tescj (par furlan e voltâts
ancje par talian) al è Carli Pup, che di agns al studie e al interprete il riviel dal 1511; la mape e je realizade di Luigino Peressini, che duncje, dopo de mape dal Friûl di Magance, al conferme la sô colaborazion cu la Serling.
Te mape, perfete par un public une vore zovins, ma tant precise e detaiade di sodisfâ ancje i grancj e i esperts di storie, a son presentâts ducj i elements plui impuartants di chest episodi storic: il Carnevâl, la lote tra Vignesie e Imperi, tra Strumîrs e Çambarlans, la figure ambiziose di Antoni Savorgnan, ma soredut il popul, lis sôs resons, l’itinerari de sô rivolte pe difese dai siei dirits.
Il libri (une trentine di pagjinis) cu la mape (formât cm. 100×70) “1511 Il Friûl de Joibe Grasse” al è in vendite a € 15,00.
Redazion

Contile juste / Plebissît pustiç

Diego Navarria
“MMandi, nono.” “Mandi frut!” “Dai mo, nono, no soi un frut. O ai disenûf agns e o ai pene finît il liceu!” “Par me tu sarâs simpri un frut, il prin nevôt. Però e je vere, tu sês deventât grant, une anime lungje. Se tu cressis ancjemò tu varâs di sbassâti par jentrâ in cjase, […] lei di plui +

Presentazion / Presentazion dal libri “Fûc su Gurize”. Intal ambit dal Cors Pratic di Lenghe e Culture Furlane inmaneâtde Societât Filologjiche Furlane

Redazion
Joibe ai 17 di Avrîl dal 2025 aes sîs e mieze sore sere (18.30)SALE CONFERENCIS DE BIBLIOTECHE COMUNÂLVie Rome 10, Vile di Ruvigne / Via Roma 10, S.Giacomo di Ragogna A intervegnin: DIEGO NAVARRIA colaboradôr dal mensîl ‘La Patrie dal Friûl’e DREE ANDREA VALCIC president de Clape di Culture ‘Patrie dal Friûl’Jentrade libare lei di plui +

L’EDITORIÂL / La lezion de bandiere par dismovisi dal letarc

Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +

La piçade / Fevelìn di autonomie pluio mancul diferenziade

Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +