Di cualchi setemane incà in ogni pontade di “Maman!”, su Telefriuli, al è ancje un episodi di “I Numaruts”. La otave edizion de trasmission par fruts in lenghe furlane, risultât di une coproduzion fra la ARLeF – Agjenzie regjonâl pe lenghe furlane e la rêt televisive (in onde fin al mês di Jugn, ducj i vinars aes 18.30 e in repliche di domenie aes 7 e aes 13) e dà acet ancje al gnûf carton animât produsût propit de Agjenzie, su licence di Videoplugger Ltd.
◆ I episodis a son inserîts ancje inte programazion di Telefruts (in onde su la stesse emitente di lunis a joibe aes 16.00) e a son a disposizion ancje sul sît e sul canâl YouTube de ARLeF.
◆ “I Numaruts” a son la version par furlan (cun dopleadure curade dal CSS Teatro stabile di innovazione del Friuli Venezia Giulia, e la traduzion dal Sportel regjonâl pe lenghe furlane de ARLeF) dai regjonâl pe lenghe furlane de ARLeF) dai “Numberblocks”, un carton de BBC in 30 episodis che al à tant che protagoniscj modonuts simpatics e une vore colorâts che a judaran i plui piçui a imparâ la matematiche, cjantant, zuiant e gjoldintse: un supuart didatic pai docents, ma ancje pes fameis. ❚
Cun “I Numaruts”, la matematiche si impare cjantant par furlan
Redazion