Sfuei Mensîl Furlan Indipendent
Archivi de Patrie

FRIÛL EUROPE. L’inovâl dismenteât

Marco Stolfo
William Wordsworth

“What man has made of man?” al scriveve il poete inglês William Wordsworth. Une domande sù par jù compagne, in chescj timps di spread e di imposizion di politichis antisociâls, e saltarès fûr in cont de Europe e dal procès di integrazion europeane: ce aie fat la Europe de Europe? Che al sedi alc che nol va si lu capìs ancje masse ben, stant che il progrès socioeconomic, i dirits, il cussì clamât “model sociâl european” – che intune cu la pâs a son lis fondis e i obietîfs strategjics de unitât dal continent – a somein jessi lâts sù pai stecs e ancje il “marcjât”, cun dut de sô centralitât declarade e des sôs regulis (cence regulis?) mitizadis, al mostre une muse clopadice. Un spieli de situazion al è il cidinôr che tes setemanis passadis al à vût compagnât l’inovâl de firme dal Tratât su la Union Europeane.
Ai 7 di Fevrâr di vincj agns indaûr, a Maastricht, al vignive definît chel acuardi che al à dât un svolt, a tacâ dal non di “Union Europeane”, al procès di integrazion, tra inviament de “union economiche e monentarie”, cooperazion plui strente su justizie e afârs internis e nassite de politiche comune pai afârs forescj e la sigurece. Stant che par agns la peraule “Maastricht” e je stade un sinonim di Europe tant che progès e disvilup, si si spietavis che la ricorince e vignìs memoreade in cualchi maniere.
Al è un pecjât, stant che e sarès stade une ocasion par fâ almancul un pensament parsore su ce che al è stât in chê volte e su ce che al è in dì di vuê. Su cemût che di chel compromès tra cui che al voleve pardabon passâ de integrazion ae union e cui che si contentave di un alc di cooperazion di plui, magari dome tal cjamp dal marcjât, a sedin saltâts fûr mecanisim e imprescj masse “minimaliscj” e debii. Ma ancje sui contignûts positîfs di chel test, de afermazion dal principi di sussidiarietât fintremai al ricognossiment de diversitât culturâl no dome tra i Stâts ma ancje dentri dai Stâts.
E par visâsi che fâ sù la Europe unide no pues jessi alc che al è cuintri de int, des personis, intant che lis ideis di fonde de unitât dal continent a vevin – e a àn – propit i citadins tant che protagoniscj e beneficiaris. ■
MARCO STOLFO

Contile juste / Plebissît pustiç

Diego Navarria
“MMandi, nono.” “Mandi frut!” “Dai mo, nono, no soi un frut. O ai disenûf agns e o ai pene finît il liceu!” “Par me tu sarâs simpri un frut, il prin nevôt. Però e je vere, tu sês deventât grant, une anime lungje. Se tu cressis ancjemò tu varâs di sbassâti par jentrâ in cjase, […] lei di plui +

Presentazion / Presentazion dal libri “Fûc su Gurize”. Intal ambit dal Cors Pratic di Lenghe e Culture Furlane inmaneâtde Societât Filologjiche Furlane

Redazion
Joibe ai 17 di Avrîl dal 2025 aes sîs e mieze sore sere (18.30)SALE CONFERENCIS DE BIBLIOTECHE COMUNÂLVie Rome 10, Vile di Ruvigne / Via Roma 10, S.Giacomo di Ragogna A intervegnin: DIEGO NAVARRIA colaboradôr dal mensîl ‘La Patrie dal Friûl’e DREE ANDREA VALCIC president de Clape di Culture ‘Patrie dal Friûl’Jentrade libare lei di plui +

L’EDITORIÂL / La lezion de bandiere par dismovisi dal letarc

Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +

La piçade / Fevelìn di autonomie pluio mancul diferenziade

Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +