Te suaze de rassegne “Vino di lei?”, sabide ai 9 di Jugn, aes 6 sore sere, tal zardin de famee Del Giulio “Teste” in vie Levade 5 a Muçane, al sarà presentât il libri di Agnul Floramo “Cuintristorie de prime vuere mondiâl 1914-1918”. Al sarà presint l’autôr, presentât di Erika Adami. In câs di maltimp, l’incuintri si fasarà tal centri civic Villa Muciana in place Sant Marc. E je previodude une degustazion dai vins de Aziende agricule Denis Montanar.
“Vino di lei?” e je une rassegne inmaneade de Associazion culturâl Artetica: une serie di incuintris vierts a ducj tai zardins e tai curtîi des cjasis de Basse Furlane. Scritôrs, poetis e cjantautôrs si esibissin e a dialoghin intune atmosfere intime e familiâr. Ae fin di ogni apontament, une cantine dal teritori e presente la proprie produzion di vins acompagnade di un piçul buffet.
Redazion