ILLY AL FÂS “DIETROFRONT”_ Domenie ai 15. Colp di sene: il president de Regjon Riccardo Illy – dopo des protestis unanimis dal mont furlanist – al fâs “dietrofront” e al dîs di sei favorevul a une des fondis dal DDL proponût dal Comitât di esperts e modificade de sô Zonte, ven a stâi lis modalitâts di insegnament dal furlan (insegnament automatic, fûr che par chei che a rinunciin). “O riten – al dîs il Governadôr – che il furlan al sedi un patrimoni di ducj i citadins de Regjon. E o riten di aministradôr de Regjon un gno dovê difindilu”.
IL COMITÂT 482 AL INCUINTRE I CONSEÎRS_ Lunis ai 16. Alì de sede de Regjon, a Udin, al ven metût adun dal Comitât 482 un apontament indreçât ai conseîrs regjonâi. La logjiche de iniziative e je chê di ufrî informazions coretis su la cuistion de tutele de lenghe furlane. A chest pro al ven ancje dât fûr un document cu lis rispuestis a dîs lûcs comuns su la marilenghe.
I conseîrs che si son fats viodi o sintî a son stâts une vore pôcs: di persone Menis, Menosso e Spacapan; Violino al à mandât une sô delegade; Franzil, Molinaro, e Zorzini si son scusâts par no podê jessi par vie di impegns istituzionâi. I conseîrs presints, daûr di ce che a àn dit, a àn judicade utile la iniziative, e a àn spiegât a ce pont che si è cu la discussion. In totâl lis propuestis di leç al esam de VI Comission a son 4: une de Zonte, une de Leghe, une trasversâl e une di Forza Italia.
VOLANTINS LI DAL MITTELFEST_ Simpri lunis un altri grup dal Comitât 482 al è lât sù a Sant Pieri là che al jere daûr a tacâ un spetacul (chel centrâl, par rilançâ la Cjarte dai dirits) dal Mittelfest. I ativiscj si son plaçâts denant de jentrade a dâ fûr i volantins cul apel a ducj chei che a son lâts a viodi il spetacul. Si fevele di miârs di volantins dâts fûr.
LA CUISTION DE DELIMITAZION_ Martars ai 17. Dopo dal intervent di Illy la maiorance regjonâl e cjate un acuardi di massime. E reste in pîts però la cuistion de jessude dai Comuns dal teritori di metude in vore de leç di tutele. L’orientament de maiorance al è chel di previodi la esclusion cuant che e je votade dal 50% plui un dai conseîrs comunâi. A chest passaç, al ipotize il president de VI commission Kristian Franzil (Rifondazion), si podarès zontâ un altri di bande de Provincie competente.
Contrarie la conseire Bruna Zorzini Spetic (Comuniscj talians): “No si pues pensâ di tutelâ une minorance se e baste une maiorance semplice a gjavâ un Comun de zone di tutele”. Pal rapresentant dai “Cittadini” Piero Colussi “si è cjatât un pont di incuintri su ciertis richiestis rivadis di sindics, ma a rivuardaran dome pôcs teritoris de aree pordenonese”.
DUT RIMANDÂT A SETEMBAR_Sul teme de delimitazion e su altris passaçs “Intesa” e varà ancjemò di sierâ il cercli in viste de ultime sentade dal Grop ristret, fissade pai 23 di Lui, dulà che si varà di produsi un articolât di puartâ in Comission a Setembar. “L’obietîf – al à spiegât Franzil – al è chel di puartâ la leç sul furlan ae prime session consiliâr dopo de polse estive par rivâ a une aprovazion paralele ae leç su la minorance slovene”.
STRASSOLT: “ILLY, SVOLTE ELETORÂL”_ Miercus ai 18. “Lis elezions dal 2008 si vincin in Friûl”. Il president de Provincie di Udin, Marzio Strassoldo, al viôt te vierzidure dal president Riccardo Illy su la leç di tutele dal furlan une mosse par garantîsi consens in viste des regjonâls dal an che al ven. “La Zonte regjonâl, intun prin moment e veve claramentri peiorât il test vignût fûr dal Comitât di esperts. Cumò a son stâts fats dai justaments, ancje se si trate di une rispueste inmò parziâl. Al reste di fat il grop de delimitazion: ancje su chest la Regjon e à di fâ un pas indaûr”.
CIANI (AN): “LEÇ COSTOSE E INUTILE”_ Joibe ai 19. “Il Friûl nol sint la esigjence di cheste leç, costose e inutile”. An, cun Paolo Ciani, al boce cence apel la leç su la lenghe furlane proponude de maiorance. “I comuns e ducj i ents gjestôrs – al zonte Ciani – a varan di cjamâsi di cetancj coscj che a finaran par sei cuvierzûts des impuestis locâls”. “La Regjon – seont Ciani – ta chest mût si slontane dal rest de Europe e dal mont”.
LA PROPUESTE DI FORZA ITALIA
Tal numar di Lui 2007 o vevin anticipât che ancje Forza Italia, par iniziative dal conseîr Massimo Blasoni, e veve depositât la sô propueste di leç pe tutele de lenghe furlane. Tal test nol è proviodût l’insegnament obligatori de lenghe furlane, ma une valorizazion dai elements identitari traviers la storie e lis tradizion. La formazion dai insegnants a varès di jessi metude in vore cun convenzions cu la Universitât dal Friûl.
Apontaments / Tarcint, Vinars 6 di Setembar aes 18, Presentazion dal libri “Feminis furlanis fuartis” di Erika Adami te terace de Biblioteche Comunâl
Redazion
L’apontament si tignarà doman, Vinars ai 8 di Mai, aes 18, te terace de Biblioteche Comunâl, vie Divisione Julia a Tarcint. La Aministrazion Comunâl di Tarcint cun la Comision de Pari Oportunitât nus invide ae presentazion dal libri di Erika Adami “Feminis furlanis fuartis” che viodarà la partecipazion di une protagoniste dal libri e de […] lei di plui +
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin
Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +