MI PARARÈS CHE UN OM, rivât su la cincuantine e cuntune posizion sociâl impuartante, alc al savedi di storie e di gjeografie, almancul par sintût a dî. Se invezit al dîs cjastronadis, al pense mâl. Il riferiment nol pues no jessi al segretari regjonâl dal Pdl, Isidoro Gottardo che, te polemiche su lis provinciis, al propon che a sedin trê: Vignesie Julie, Friûl e “Destra Tagliamento”. O soi sigûr che fin di piçul, “Gotty” al savedi fin masse ben che il Friûl al va de Livence al Timau, che “Vignesie Julie” e je une invenzion dal fassisim, e dut câs, se no i al à dite nissun, forsit cualchi lezion di gjeografie e storie al podarès ancje cjapâle.
Cui che la storie le cognòs une vore ben, al è il triestin Camber che al propon dome dôs provinciis: Triest e ce che al reste fûr. Nancje nol dopre la peraule “Friûl” parcè che i ven la urtiarie dome a nomenâlu: si sumie une zone che e ledi dal puart di Triest a Tarvis, une linie gotiche cuintri de Slovenie.
Di ben in miôr, un nol cognòs la storie e chel altri al vûl puartâle indaûr.
Tal stes timp, la Serachianute e sta cidine, no à voie di impaçâsi in chestis cuistions di perifarie… e pense a cjatâ cjase ai Parioli. ■
L’OM DI BURI
Presentazion / La Patrie dal Friûl e presente il libri “Fûc su Gurize” di Ferruccio Tassin e Gianni Nazzi
Redazion
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Cungjò / Mandi, Bruno.
Redazion
Al declarave “che nol è dificil fâ telecronachis in marilenghe e che il furlan al à peraulis e espressions di pueste par fâlu”. lei di plui +
L’EDITORIÂL / La lezion de bandiere par dismovisi dal letarc
Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / No stin a colâ inte vuate de indiference
Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +