Sfuei Mensîl Furlan Indipendent
Archivi de Patrie

LA POESIE. NEDÂL (1959)

............

A è la not di vea.
Il cîl, dal dì a la sera
a si è fat neri font.
Si sint difûr la buera
ch’a sofla jù da mont.
Doman, cui sa, al nevea.
I vin finît di cena
da tant. Nissun ‘l à sum.
Nissun al dîs peraula.
La buera a môf il lum
ch’al brusa su la taula.
Mê mari a è li ch’a pena (…)
Siro Angeli (1913-1991). Nassût a Cesclans, al à vivût a Rome, dulà che al à lavorât par tant timp te Rai. Personalitât poliedriche di inteletuâl, scritôr, critic di teatri, dramaturc e poete, al à vût scrits radiodramis, senegjaturis, adataments pal cine di romançs e al à fat fintremai l’atôr intal film di Vittorio Cottafavi, Maria Zef (1980). La poesie chi ripuartade, che e fevele di une famee cjargnele che la gnot di Nadâl e spiete il pari emigrant, e fâs part de racuelte L’aga dal Tajament (1986).
par cure di Laurin Zuan Nardin

L’EDITORIÂL / La lezion de bandiere par dismovisi dal letarc

Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +

La piçade / Fevelìn di autonomie pluio mancul diferenziade

Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +

L’EDITORIÂL / No stin a colâ inte vuate de indiference

Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +