Sfuei Mensîl Furlan Indipendent
Archivi de Patrie

LA POESIE. Vint di Pasche (1961)

............

Un vint clâr di cjampanis
al fâs Pasche di gnûf.
Puartadis vie lis violis dai altârs
e torne fieste
tal cîl dai piarsolârs.
Ma il vint di Pasche
al sgrie dibant
peraulis dolzis su l’aghe.
Si cîr la Tiere Imprometude
simpri di là
dai flôrs dal piarsolâr.

Maria Forte (1899-1979). Nassude a Buie e par tant timp mestre inte scuele dal paîs che, cumò, e je intitulade al so non, e à fat part dal grup de Risultive, che al à puartât un rinovament intes letaris furlanis sul tacâ dai agns Cincuante. E je stade une autore une vore prolifiche: in plui che in poesie (Timp pierdût, 1949, Vôs disdivore, 1961, Peraulis, 1965) e à scrit ancje contis (Cja’ Dreôr, 1967 e Cja’ Fors, 1970) e romançs (Cjase di Dalban, 1972 e La Tiere di Lansing, 1974). Sô fie, Andreina Nicoloso Ciceri e je stade une grande studiose des tradizions popolârs furlanis.
par cure di Laurin Zuan Nardin

Contile juste / Plebissît pustiç

Diego Navarria
“MMandi, nono.” “Mandi frut!” “Dai mo, nono, no soi un frut. O ai disenûf agns e o ai pene finît il liceu!” “Par me tu sarâs simpri un frut, il prin nevôt. Però e je vere, tu sês deventât grant, une anime lungje. Se tu cressis ancjemò tu varâs di sbassâti par jentrâ in cjase, […] lei di plui +

Presentazion / Presentazion dal libri “Fûc su Gurize”. Intal ambit dal Cors Pratic di Lenghe e Culture Furlane inmaneâtde Societât Filologjiche Furlane

Redazion
Joibe ai 17 di Avrîl dal 2025 aes sîs e mieze sore sere (18.30)SALE CONFERENCIS DE BIBLIOTECHE COMUNÂLVie Rome 10, Vile di Ruvigne / Via Roma 10, S.Giacomo di Ragogna A intervegnin: DIEGO NAVARRIA colaboradôr dal mensîl ‘La Patrie dal Friûl’e DREE ANDREA VALCIC president de Clape di Culture ‘Patrie dal Friûl’Jentrade libare lei di plui +

L’EDITORIÂL / La lezion de bandiere par dismovisi dal letarc

Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +

La piçade / Fevelìn di autonomie pluio mancul diferenziade

Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +