P { margin-bottom: 0.21cm; }
Vie pes ultimis setemanis si à scrit, si à let e si à scoltât un pôc di dut in cont de Catalogne e des sôs rivendicazions di autoguvier. Magari cussì no in tancj câs la cuisition e je stade frontade cun superficialitât, cun prejudizis e cun lûcs comuns.
Nol fâs part di cheste categorie il libri che par talian si clame ‘Catalogna indipendente. Le ragioni di una battaglia’, saltât fûr doi mês indaûr, che si pues calcolâlu tant che un vêr document, par vie che al da cont diretamentri des posizions de CUP (Candidatura de Unitat Popular), la fuarce de çampe alternative, anticapitaliste e indipendentiste catalane.
La racuelte di contribûts e je insiorade de jentrade di Marco Grispigni, che al mostre di no jessi masse in cunvigne cui autôrs e cussì al rint la leture ancjemò plui interessante.
Marco Stolfo
AA. VV., ‘Catalogna indipendente. Le ragioni di una battaglia’, Manifestolibri 2017.