La Patrie dal Friûl e presente il libri “Feminis furlanis fuartis”. Storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal leam cu la proprie tiere, un pont fer, ancje cuant che l’orizont dal lôr impegn al devente il mont.
Miercus ai 13 di Dicembar, aes 6 sore sere (18.00), tal Salon dal Consei di Palaç Belgrât a Udin. A intervegnin: Cristiana Compagno (za retore de Universitât dal Friûl), Rosalba Perini (ideadore dal progjet “Leadership al futûr”), Erika Adami (autore), Carlotta Del Bianco (atore e regjiste). E modere Martina Delpiccolo gjornaliste e critiche leterarie.
Dutis e ducj a son invidâts – Jentrade libare