Lis “Feminis furlanis fuartis” po a saran a Cormòns. Ur daran acet i Amîs da Mont Quarine. L’apontament al è par vinars ai 15 di Març, aes 6 sore sere (18.00), te Aziende Agricule Magnàs, in vie Corona 47 a Cormòns. Il libri al sarà presentât de autore Erika Adami. Cun jê a saran Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, atore e regjiste.
E sarà, duncje, la volte di Glemone. La Biblioteche Comunâl e darà acet a Erika Adami, Maria Teresa Bortoluzzi, fondadore dal OrtoBorto, e Alberta Bulfon, che tai vignâi di famee e paurte la storie e la art di chenti. La iniziative si tignarà miercus ai 27 di Març, aes 5 e mieze daspomisdì (17.30), te Biblioteche in vie dei Conti 9.
Lis “Feminis furlanis fuartis” a rivin a Malisane. Su invît dai amîs de Pro Torviscosa, il libri di Erika Adami al sarà presentât, joibe ai 14 di Març, aes 6 sore sere (18.00), a Malisane, li de Ostarie La Tavernetta, te Place Fontana 8. Cu la autore Erika Adami a intervignaran Cristina Barbierato, de aziende “Lis Furlanis”, e Carlotta Del Bianco, atore e regjiste.
Tal libri “Feminis furlanis fuartis” Erika Adami e metût adun storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal leam cu la proprie tiere, un pont fer, ancje cuant che l’orizont dal lôr impegn al devente il mont.
Dutis e ducj a son invidâts.