LA INFRASTRUTURE NECESSARIE SI BASE SU LA RÊT DE TELEFONIE FISSE
Ancje in tancj altris paîs, la storie di internet e je ancje une storie di deliberazion dal monopoli statâl, stant che la infrastruture necessarie si base su la rêt de telefonie fisse. I dâts concrets dal 2002 a documentin un cuasi monopoli de TA: di 100.000 colegaments ADSL, dome 14.000 a son gjestîts di operadôrs alternatîfs. I margjins minimâi e i pôcs servizis di infrastruture de TA a frenin i rivâi: «Ogni client ADSL al è ancje un client de Telekom.»
Te pagjine uficiâl atuâl dal ministeri pal traspuart, pe inovazion e pe tecnologjie (BMVIT) o leìn: «Par une vore des aplicazions e dai servizis si à dibisugne di un colegament a bande largje».
Il ministeri BMVIT tal 2003 al à inmaneât, parie cu la ofensive «E-Government» dal guvier, la iniziative «bande largje» che e vûl prudelâ investiments di providers privâts. Sul tacâ dal 2004, su 17.245 localitâts, 7.000 a jerin inmò cence un acès a bande largje.
LIS TECNOLOGJIIS MOBILIS SI DOPRIN SIMPRI DI PLUI
Secont l’ «Austrian internet monitor (AIM)», dal tierç trimestri dal 2008 il 68% dai austriacs sore i 14 agns – ven a stâi 4,7 milions – al dopre la rêt in cjase, dulà che un an indaûr al jere il 65%. E prevâl la ADSL cul 25% e la tecnologjie vie cabli cul 24%; il 14% al sielç tecnologjiis mobilis tant che puarte di jentrance (saressino i acès???). Un colegament classic lu cjatìn dome in cirche un nucli familiâr ogni dîs: al pues sei vie modem analic (??) (6%) o pûr cun modem ISDN (5%).
In confront cul an passât, la difusion dai modems ADSL e je calade in mût evident pe prime volte (-5 %), mintri che lis jentradis mobilis (saressino i acès???) ae rêt a vuadagnin plui popolaritât (+7 %).
A calin ancje i colegaments a bande strete: intun an, -5%.
3 AUSTRIACS SU 10 A NAVIGHIN SUL PUEST DI VORE
In bande di chel 68% che al à a disposizion la rêt a cjase, il 29% (2 milions di lôr) le àn ancje sul puest di vore. Chi no si note nissune incressite tai ultins agns.
Si navighe di mancul tes scuelis: scuele 6%, universitât 3%.
7 SU 10 I AUSTRIACS CHE A DOPRIN LA RÊT
Tal tierç trimestri dal an passât, il 70% dai austriacs al à navigât in rêt almancul une volte; la popolazion in linie e cjape dentri sù par jù 4,9 milions di personis sore i 14 agns.
Chei che si coleghin cu la rêt lu fasin in maniere regolâr: il 60 % dai austriacs almancul une volte par setemane, il 45% cuasi ogni dì.
CHEI SOT I TRENTE AGNS A SON CUASI DUCJ IN RÊT
Il 94% dai austriacs tra i 14 e i 29 agns al è utent di internet. Ancje l’80% di chei tra i 30 e i 49 agns al disfrute la rêt; tal câs de int tra i 50 e i 59 agns, si fevele distès dal 70% di lôr. Tal grup parsore i 60 agns, il numar al cale in mût palês: dome 3 su 10 a son colegâts.
I dâts duncje a mostrin che la rêt e à un puest fis te vite dai zovins.
TOP 10: PUESTE ELETRONICHE, INFORMAZIONS, SERVIZIS
Lis dîs aplicazions principâls di dute la popolazion in rêt a mostrin che al prin puest (82%) e je la comunicazion di pueste eletroniche (o ben lis e-mail); dopo a vegnin lis gnovis e lis informazions (65%); il 60% al cîr direzions o numars di telefon, il 58% indicazions stradâls, il 57% prodots o servizis, il 51% al lei enciclopediis, il 40% dizionaris o gjornâi in rêt.
Pai zovins tra i 14 e i 19 agns, la rêt e je prin di dut un mieç di comunicazion: l’82% le dopre pe pueste eletroniche, il 75% par çatâ (vâl a dî par fevelâ par mieç di messaç scrits cuntune o plui personis, NdR), il 73% pal networking (o lavôr in rêt: al è un sisteme di lavôr di cuant che si lein adun diviers ordenadôrs, NdR), il 71% par gnovis e informazions, e il 61% pe multimedialitât.
http://futurezone.orf.at/stories/289450/forum
LA OFENSIVE INTERNET E ANUNCIE PAL 2007 LA BANDE LARGJE PAR DUCJ
L’ex cancelîr Gusenbauer nus veve visât che tal 2007 o varessin podût cjatâsi cuntune division jenfri la popolazion e, rispuindint al probleme, al à inmaneât la «ofensive internet Austrie», par «vierzi la orbite di informazion e lis pussibilitâts – vâl a dî la bande largje – a ducj».
I numars de RTR (Autoritât pe regolazion) pal secont trimestri dal 2008 no provin nissun miorament. Dome il 20,4% dai austriacs al à un acès ae bande largje: comprendûts i acès mobii cun HSDPA e UMTS, o contizìn il 29,3%, calcolant lis personis.
Ancje un an daspò la ofensive profetade, la Austrie e rive a une penetrazion Adsl dome a pene disot de medie europeane (21,7%); la prime in classifiche – ven a stâi la Danimarcje – si è fermade ae cuote dal 37,2%; la ultime e je la Bulgarie, cul 9,5%.
O vin ancjemò une diference framieç citâts e paîs: a Viene l’Adsl e rive al 61% dai nuclis familiârs, in Carinzie dome al 47%.
In gracie des tarifis simpri plui bassis, i celulârs e lis tecnologjiis mobilis a gjoldin di une grande popolaritât: o notìn un fuart trend viers la bande largje mobile, cun presits bas par vie di une fuarte concorince tal cjamp de telefonie mobile.
Duncje, in struc, ancje se la Austrie e je une vore inovative tal cjamp des energjiis alternativis, par ce che al tocje lis tecnologjiis di informazion a son altris, soredut in Asie (Gjapon, Coree), chei che a tegnin sù il comant de classifiche.
Janez Erat
Presentazion / La Patrie dal Friûl e presente il libri “Fûc su Gurize” di Ferruccio Tassin e Gianni Nazzi
Redazion
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Cungjò / Mandi, Bruno.
Redazion
Al declarave “che nol è dificil fâ telecronachis in marilenghe e che il furlan al à peraulis e espressions di pueste par fâlu”. lei di plui +
L’EDITORIÂL / La lezion de bandiere par dismovisi dal letarc
Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / No stin a colâ inte vuate de indiference
Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +