P { margin-bottom: 0.21cm; }A:link { color: rgb(0, 0, 255); }
Midiant dal sportel associât pe lenghe furlane, i Comuns di Cjarlins, Gonârs, Muçane, Porpêt, Prissinins e San Zorç di Noiâr a bandissin la prime edizion dal concors leterari Vôs de Basse, cul patrocini de Societât Filologjiche Furlane, de Cooperative Informazion Furlane e de sezion di San Zorç di Noiâr de Universitât de Tierce Etât Paolo Naliato. La idee di fonde e je chê di stiçâ la produzion scrite in lenghe furlane. Il concors al è dividût in trê sezions: Narative, par contis curtis, curts teatrâi o traduzions di contis curtis; Poesie, par componiments poetics o traduzions; Students (prose e poesie), risiervade ai students des scuelis secondariis di prin e secont grât. La partecipazion e je sore nuie e vierte a ducj i autôrs che a scrivin par furlan, che a sedin a stâ in Italie o pûr tal forest.
Il bant dal concors e la schede di adesion si cjatiju in dutis lis bibliotechis dai Comuns organizadôrs e sui lôr sîts istituzionâi. Par informazions su pues clamâ al 0432620281 o pûr scrivi a: sportel.furlan@bassefurlane.eu.
(LPdF)