Sfuei Mensîl Furlan Indipendent
Archivi de Patrie

Un jutori concret e penç par “moltiplicâ risorsis umanis”

Piero Cargnelutti
Luca Grion e une aule cui students tal istitût Maritain

Il Bant pal welfare al puarte beneficis aes fameis cul contribût di professioniscj e volontaris

Un jutori al stât sociâl furlan di cuasi 3 milions di euros tal zîr di 5 agns. A son i fonts metûts a disposizion dal teritori e des realtâts furlanis de Fondazione Friuli tai ultins 5 agns midiant dal bant Welfare, considerât un “moltiplicadôr di risorsis umanis” daûr di une ricercje realizade dal istitût internazionâl Jacques Maritain. Il bant al à dât fûr 2 milions 852 mil euros a realtâts publichis e privadis impegnadis tal sociâl, e al à vût un rûl di atrazion par altris risorsis a poie dai singui progjets. I beneficis a son stâts tancj ancje tai ultins doi agns di pandemie, e cun di plui il bant al à permetût di slargjâ sedi il numar dai professioniscj e volontaris cjapâts dentri, sedi chel dai destinataris, puartant beneficis ancje aes fameis. Al è stât il president de Fondazione Giuseppe Morandini, adun cul assessôr regjonâl pe salût Riccardo Riccardi e Luca Grion dal istitût Maritain a presentâ i dâts dal bant Welfare tes primis zornadis di Lui: «O podin dî – al à declarât Morandini – che i progjets finanziâts a rivin a inviâ un efiet moltiplicadôr des risorsis umanis, economichis e sociâls a disposizion des organizazions finanziadis». «Il privât sociâl – al à dit l’assessôr Riccardi – come il mont dal volontariât storic de Regjon, si integrin in maniere virtuose cui percors ufierts dal sisteme sanitari. Il supuart di Fondazione Friuli al jude dut il tiessût sociâl a cressi e a dâ rispuestis, metint a disposizion un servizi costant dulà che al covente». La ricercje “Cambiamenti, innovazione e sostenibilità per la Vita Buona” e à permetût di valutâ la cualitât dai cambiaments gjenerâts de Fondazione midiant dal bant Welfare. A son stâts cjapâts in esam 10 intervents sui 47 finanziâts cul bant 2020: «Tai progjets che o vin analizât – a àn spiegât Luca Bianchi e Francesco Samogizio dal Istitût Maritain – si pues constatâ il grant numar di volontaris coinvolts e la compartecipazion ae realizazion des ativitâts sedi di ents publics che di realtâts privadis, che a van des gruessis aziendis ai piçui comerciants. Cun di plui, a son impuartants ancje i numars dai beneficiaris interessâts dai progjets: par ogni intervent, la medie e je di 110 personis. La ricercje e marche cemût che lis ativitâts progjetuâls a àn gjenerât une incressite des competencis in tiermins organizatîfs pai promotôrs dai progjets, e ancje de professionalitât di volontaris e operadôrs impegnâts sul cjamp».
◆ «Chest lavôr – al à dit Grion – al à scoltât lis spietis dal ben che al anime i nestris teritoris, cirint di misurâ la cualitât dal cambiament promovût dai progjets finanziâts cul bant. La sfide vuê e je chê di individuâ, sostignî e sparniçâ i progjets di svilup sociâl plui virtuôs. Par fâlu a coventin modalitâts e imprescj di indagjin par monitorâ e par valutâ lis buinis pratichis in stât di gjenerâ cambiaments in tiermins di vite buine». ❚

Contile juste / Plebissît pustiç

Diego Navarria
“MMandi, nono.” “Mandi frut!” “Dai mo, nono, no soi un frut. O ai disenûf agns e o ai pene finît il liceu!” “Par me tu sarâs simpri un frut, il prin nevôt. Però e je vere, tu sês deventât grant, une anime lungje. Se tu cressis ancjemò tu varâs di sbassâti par jentrâ in cjase, […] lei di plui +

Presentazion / Presentazion dal libri “Fûc su Gurize”. Intal ambit dal Cors Pratic di Lenghe e Culture Furlane inmaneâtde Societât Filologjiche Furlane

Redazion
Joibe ai 17 di Avrîl dal 2025 aes sîs e mieze sore sere (18.30)SALE CONFERENCIS DE BIBLIOTECHE COMUNÂLVie Rome 10, Vile di Ruvigne / Via Roma 10, S.Giacomo di Ragogna A intervegnin: DIEGO NAVARRIA colaboradôr dal mensîl ‘La Patrie dal Friûl’e DREE ANDREA VALCIC president de Clape di Culture ‘Patrie dal Friûl’Jentrade libare lei di plui +

L’EDITORIÂL / La lezion de bandiere par dismovisi dal letarc

Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +

La piçade / Fevelìn di autonomie pluio mancul diferenziade

Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +