Palaçûl, o miôr Blancjade. O sin intune fatorie tal mieç de Basse Furlane. Propit achì o cjatìn Stefano Montello, che o vin intervistât inte pagjine dedicade ae musiche in chest numar de Patrie. Parcè che Stefano al è musicist, scritôr ma ancje e, forsit prin di dut, contadin. Lui che si ocupe di agricolture di 30 agns – jù dal tratôr e sù sul palc e vicevierse – tal 2010 al à acetât une sfide une vore bule: lâ a “direzi” une fatorie “sociâl”. Ven a stâi, une fatorie che par fûr e somee come tantis altris, cu lis bestiis e i cjamps coltivâts, ma che dentri e ospite un univiers variegât di “agricoltôrs”. Achì la int – sapant la tiere, lavorant il len o taiant la blave – e cîr il so “puest tal mont”. «A son i “sogjets cun disasis”, “lis personis svantazadis”, come che a vegnin clamâts in maniere convenzionâl», al dîs Stefano, «ma chestis personis a àn ancje un non. Dome che fûr de fatorie a son dispès cence». Il progjet al devente realtât al inizi dal 2011 grazie a la Aziende pai Servizis Sanitaris n°5 “Basse Furlane”, a l’Ambit Sociosanitari di Tisane, il Comun di Palaçûl, la Ersa e il consorzi Il Mosaico, e in maniere particolâr la cooperative Nemesi. «A pene rivât o ai cjatât une cjase di ristruturâ, che in chel Zenâr di fumate mi someave plui une cjase di fantasimis, e un toc di tiere dulà che la aghe e rivave dome cuant che e vignive jù ploie e no cuant che al coventave. E po o ai cjatât doi fantats: un alt e un piçul. Chel piçul al jere tancuil e cidin, chel grant salvadi e tabaiot. Chel piçul al lavorave, chel grant mi faseve di vuardie. Simpri tacât». E scomence cussì la aventure di Montello, un che a 50 agns si cjate tal mieç dal nuie a gjestî une grande famee di ex alcolizâts, drogâts, personis cun problemis mentâi rivadis dai Sert, il Csm o i servizis sociâi. Une desine di lôr par colp. Siôrs di une etât e fruts di vincj agns. «No soi un psicolic, dut ce che o fâs al è insegnâ il mistîr. No soi nacje il paron, a son lôr che a fasin la fatorie: se no si impegnin, la fatorie no sta in pîts. Ce che o tenti di passâ al è culture dal lavôr e buine convivence». Vuê la Fatorie sociâl Volpares e à cuatri etars e mieç di tiere lavorade une part a ort, une part a blave pes bestiis (purcits, cjavris, pioris, ocjis, gjalinis), un etar cun mil plantis di miluçâr di sepe, e un marangon. Risultât? «Chi l’obietîf nol è fâ profit ma meti chestis personis in condizions di stâ ben o almancul di stâ miôr di prime», al sclarîs, «al è il frut che nol veve contats cun nissun che al à imparât a relazionâsi, chel che al jentre tal ort in ponte di pîts, come se al fos un lûc sacri (e lu è) e chel che nol dîs une peraule, ma che ogni tant cumò al rît. La fatorie sociâl si cjape cure di chestis personis, che a lôr volte si cjapin cure de fatorie intun cercli virtuôs che al funzione». Par lâ a cognossi chest esperiment di inclusion, di vite e di democrazie, lait a Palaçûl, dulà che o podês ancje comprâ verduris frescjis, jerbis aromatichis, mîl. Une idee: parcè no fâ une fieste vierte a ducj par sostignîle? ❚ ✒ Natascia Gargano
Presentazion / La Patrie dal Friûl e presente il libri “Fûc su Gurize” di Ferruccio Tassin e Gianni Nazzi
Redazion
La Patrie dal Friûl e presente il libri “Fûc su Gurize”.“La Patrie” e je la cjase dai furlans che no si rindin: e par chest e à volût meti dongje un libri zontant insiemi lis peraulis che chescj doi inteletuâi a doprin par descrivi ce che e jere cheste culture di cunfin e ce che […] lei di plui +
Cungjò / Mandi, Bruno.
Redazion
Al declarave “che nol è dificil fâ telecronachis in marilenghe e che il furlan al à peraulis e espressions di pueste par fâlu”. lei di plui +
L’EDITORIÂL / La lezion de bandiere par dismovisi dal letarc
Walter Tomada
Par sigûr o sin stâts ducj braurôs cuant e je rivade in television la storie, discognossude a tancj furlans, di Marc di Murùs (o Moruç?), ultin a rindisi ae concuiste venite dal 1420. Pûr di no dineâ la sô apartignince ae Patrie dal Friûl, lui – che al puartave la bandiere dal Stât patriarcjâl – […] lei di plui +
La piçade / Fevelìn di autonomie pluio mancul diferenziade
Mastiefumate
In Italie si torne a fevelâ di autonomie. Magari par dâi cuintri, ma si torne a discuti. La Lega cu la propueste di leç su la autonomie diferenziade e torne a metile in cuistion. Dopo la Secession de Padanie, la Devoluzion, la Gjestion des Regjons dal Nord, dutis cuistions ladis in malore, cumò Calderoli al […] lei di plui +
Grant suces di “Stin dongje ae Patrie”, la tierce edizion de fieste dal nestri gjornâl
Redazion
Pe rassegne Avostanis, li dai Colonos a Vilecjaze di Listize, il mont des associazions, de culture, dal spetacul, dal sport si è strenzût intor dal gjornâl dut par furlan fondât tal 1946 A an partecipât: Glesie Furlane, i Bakan, Claudio Moretti – Elvio Scruzzi – Fabiano Fantini (Teatro Incerto), Serena Fogolini e Raffaele Serafini (Contecurte), […] lei di plui +
L’EDITORIÂL / No stin a colâ inte vuate de indiference
Walter Tomada
Al à fat une vore di scjas l’articul scrit su la “Patrie” di Setembar di Marco Moroldo, furlan che al vîf in France e che al à insegnât ai siei fîs la marilenghe. Tornât a Mortean pes vacancis di Istât, al à provât a cirî cualchi zovin o cualchi frut che al fevelàs furlan cui […] lei di plui +