Foto di Stefano Tubaro (ducj i dirits a son riservâts/tutti i diritti riservati).
Stefano Tubaro al è nassût a Codroip intal 1960, al à cjapât i studis artistics interessantsi in particolâr ae fotografie contemporanie. Tal imprin al opare in blanc e neri, po dopo, dal 1997 al preferìs la fotografie a colôrs. In dì di vuê al è impegnât inte serie clamade «Controcampi» su la rapresentazion fotografiche dal teritori. Al à partecipât ae cure di progjets espositîfs e editoriâi, iniziativis didatichis e consulencis par ents e associazions culturâls. Tal 1999 al à vint a Spilimberc il premi «Friuli Venezia Giulia Fotografia». Al insegne Art de Fotografie e de Cinematografie al Liceu artistic «Sello» di Udin.
La serie «Controcampi» e vignarà presentade inte mostre personâl «Sguardi trasversali» te suaze de rassegne «Vedere Oltre» a Motta di Livenza dai 5 di Jugn
ai 4 di Lui 2010.